صبحية مع الرب


11 Jun
11Jun
إعلان خاص

بصباح هالنهار المميّز، منسبّحك يا ربّ ومنمجّدك مع الرسول برتلماوس.

برتلماوس هالرسول اللي اعترف فيك اله ومعلّم قدّام كل العالم الوثني.

برتلماوس هالرسول اللي حبّك حبّ وصّلو انّو يقبل الموت مقطوع الراس ولا ينكرك.

برتلماوس، هالرسول اللي عاش ألم الاضطهاد والشتم والرذل لانّو جسّد بحياتو الرسولية كلّ اللي طلبتو منّو ومن كل التلاميذ.

برتلماوس، هالرسول اللي تتلمذ عا ايديك، انت المعلّم الصالح والأوحد، وتعلّم منّك وعلّم العالم الغير مؤمن كيف لازم يعيشو بحسب قلب الرب.

برتلماوس، هالرسول اللي، رغم كل اللي عاناه من سخرية واضطهاد، بقي امين للرسالة الاساسيّة وهيي انّو يكون شاهد حقيقي لقيامتك بحياتو بالعالم.


ومع برتلماوس الرسول، منقلّك يا ربّ: ضلّك حدّنا وما تخلينا نضيع ونتوه بالحياة.


/الخوري يوسف بركات/

Social media khoddam El rab


تعليقات
* لن يتم نشر هذا البريد الإلكتروني على الموقع.