10 Feb
10Feb

مع إشراقة نورك علينا يا ربّ، منرفعلك كل التسبيح والمجد والإكرام والشكر عا كل نعمك وعطاياك.

منسمعك يا ربّي يسوع إنت وعم تعطي دروس عن التواضع اللي عشتو واللي لازم يعيشو كل إنسان قرّر إنّو يكون رسولك بين العالم.

ومن أهم الدروس اللي منتعلّما منك يا ربّ واللي هيي مبدأ حياة هوي إنو ما إلنا فضل إذا عملنا اللي بيتوجّب علينا نعملو.

الإنسان وكل إنسان يا ربّ، مدعو، بكل اللي بيعملو، إنّو يعترف بضعفو ومحدوديتو، وقدام هالمحدودية ما فينا إلاّ نطلب الرحمة منّك يا إلهنا الحبيب، ونتعلّم كيف نخدم ونسامح.

وتا نقدر نخدمك بالآخر، ونسامح بعضنا البعض، علينا إننا نتشبّع من تعاليمك، ونداوم عا الإلتقاء فيك بالكلمة وبالقربان وبالإنسان يا إلهنا الحبيب.


/الخوري يوسف بركات/

تعليقات
* لن يتم نشر هذا البريد الإلكتروني على الموقع.