صبحية مع الرب


08 Jun
08Jun
إعلان خاص

بهالصباح المبارك بدنا نسبّحك يا ربّ وبدنا نخصّ بالتسبيح الروح القدس.

منسبّحك يا روح الله القدّوس، روح الحقّ، اللي قدت خطوات الرسل والتلاميذ عا درب البشارة، وبعدك عم تقود خطواتنا عا طريق الحقّ وعم بتكمّل كل اللي حكي فيه الربّ يسوع عن سرّ الله الآب.

منسبّحك يا روح الله القدّوس، روح حق، اللي عم بتساعدنا إننا نفهم كلام الرب يسوع ونعيشو بحياتنا.

منسبّحك يا روح الله القدوس، روح الحقّ، اللي عم تساعدنا إننا نكون بالحقّ، نقول الحقّ ونعيش الحقّ لأنو الله اللي خلقنا حقّ وحقيقة.

منسبّحك يا روح الله القدوس، روح الحقّ، اللي عم تهدينا للتوبة والخلاص بالربّ يسوع، وتحمل ضعفنا وسقطاتنا وخطايانا وتحرقا وتتطهّرا بنار الحبّ الإلهيّ.

يا روح الله القدّوس، روح الحقّ، بدنا ياك إنت تقود سفينة حياتنا ومش روح الشرّ، روح الباطل.


/الخوري يوسف بركات/

Social media khoddam El rab
تعليقات
* لن يتم نشر هذا البريد الإلكتروني على الموقع.