صبحية مع الرب


07 Jun
07Jun
إعلان خاص

ببداية هالأسبوع المبارك، ومع إشراقة نور هالصباح، بدنا نشكرك يا ربّ.

بدنا نشكرك عا كل النعم والخيرات اللي كنت وبعدك عم تنعم علينا فيا.

بدنا نشكرك لأنك خلقتنا أحرار وبقيت معنا وحدّنا وما بتتركنا حتى لو نحنا بعدنا عنك.

بدنا نشكرك يا ربّ لأنك كنت حاضر معنا بالجسد وعطيتنا ذاتك قربان وذبيحة فدا عن خطايانا من خلال آلامك وصلبك وموتك وقيامتك.

منشكرك يا ربّ الحاضر الدايم معنا، الروح القدس لانّك عم بتشيل كل الصعوبات لمّن منتّكل فيها عليك وتوعّينا عا كل المخاطر اللي بتواجهنا بهالحياة.

منشكرك يا ربّ عا كلمة الحياة اللي بتعطينا ياها دايما واللي بتفتحلنا قلوبنا وضمايرنا تا نقدر نسمع وصيتك اللي بتدعينا اننا نعيشا ونفعّلا بحياتنا.

أملنا ورجانا الوحيد هوّي إنّك تضلّ مرافقنا، وتبعّد عنا خطر الضياع عنك تا نبقى ثابتين فيك كل حياتنا.


/الخوري يوسف بركات/

Social media khoddam El rab
تعليقات
* لن يتم نشر هذا البريد الإلكتروني على الموقع.