صبحية مع الرب

قديشو حبّ الذات قوي بهالعالم يا ربّي يسوع، ووصل الشرّ بالناس لدرجة انو بلبل عقولن وضمايرن.


قديش بيهمّك امر تلاميذك وابناءك وبناتك تا حذّرتن انّو رح يجي وقت ويضطهدوهن الناس الغيرانة عا مصالحا وممكن يقتلوهن معتبرين حالن عم يعملو شي منيح ومقدّس ونوع من العبادة لالله.


هيك عم بتكون حال كل حدا عطاك ذاتو بصدق وأمانة.

وهيدي هيي حالة كل انسان منّا حطك الهدف الاول والوحيد وعم يسعى انّو يعيش عا اساس يرضي قلبك ويتنعّم بسلامك.


بهالمعركة والصراع الدايمين بحياتنا الروحية اولا والاجتماعية تانيا، ما منقدر نضل واقفين عا اجرينا من دون روحك القدّوس يا ربّ اللي حاضر تا ينجّينا من كل التجارب حتى اذا اجت ساعة التجربة يكون عم يساعدنا تا ما نختار الطريق الهيّن ونضيّع الطريق ونبعد عنّك يا ربّ.

تعا يا روح الله ورافقنا بدربنا صوب للربّ.

/الخوري يوسف بركات/