24 Dec
24Dec
إعلان خاص

بهالليلة المباركة، اللي فيها الأرض والبشرية كلا عم تتحضر لإستقبالك يا ضيفنا السماوي، منرفعلك كل التسبيح والمجد والإكرام يا إلهنا الحبيب.

بهالنهار المبارك، ورغم كل الظروف اللي عم تمرق علينا، بعدنا عم نشعر بدفء نورك عم يتغلغل بأعماقنا، هالنور السماوي اللي بولادتك جايي يزرع المحبة والرحمة والسلام.

بهالأوضاع الصعبة اللي مارقين فيا، عم بتغيب المحبة وإذا ما غابت عم تفتر يا رب، ونحنا كلنا إيمان إنّك بولادتك الجايي علينا، رح بتقوينا وتنفحنا من حبّك تا نرجع نفعّل هالمحبّة تجاهك وتجاه الآخرين.

هالأوضاع الصعبة اللي مارقين فيا، عم بتخلينا نفقد سلامنا اللي زرعتو فينا، ونحنا كلنا رجا إنّك يا إله السلام ما ممكن تقبل بإننا نحنا ولادك نفقد سلامنا ونضيع بمتاهات العالم المادي والتجاري.

بهالأوضاع الصعبة اللي عم نمرق فيا، ما منطلب غير رحمتك تغمرنا يا إله الرحمة وتحمينا من كل شرّ.


/الخوري يوسف بركات/

تعليقات
* لن يتم نشر هذا البريد الإلكتروني على الموقع.