22 Dec
22Dec
إعلان خاص

بهالصباح المبارك، وبعد ليل طويل، منرفعلك يا ربّ كل التسبيح والمجد والإكرام.

عظيم إنت يا ربّ لمّن بتكشفلنا، نحنا المعمّدين عن جوهر علاقتك بكل إنسان بيآمن فيك.

وأهم شي بهالعلاقة هيي إننا نعرفك، وتا نعرفك علينا إننا نحفظ كلامك ونعرف إنو مليان حياة.

وحفظ كلامك يا يسوع مش تطبيق شريعة مكتوبة عا ورق، حفظ كلامك يا ربّ هوي ترسيخ وصيّتك بقلوبنا وعقولنا وتثبيتا نهج لحياتنا.

وترسيخ وصيتك يا إلهنا الحبيب هوي اللي بيودّينا لنتّحد فيك وبكل شي إلك وللآب اللي خلقنا أحرار وللروح القدس اللي بيضويلنا حياتنا بنور الإيمان.

كل إنسان أرضي ومتعلق بملذات وشهوات هالدني مصيرو الموت الأرضي والأبدي، بينما الإنسان اللي بيآمن فيك يا رب وبالحياة الأبدية، صحيح رح يموت أرضياً ولكن كلنا إيمان إنّو ما رح يلاقي الموت الأبدي.

وهيدي أمنيتنا إننا نكون معك بالملكوت السماوي ونتنعم بالفرح الأبدي.


/الخوري يوسف بركات/

تعليقات
* لن يتم نشر هذا البريد الإلكتروني على الموقع.