صبحية مع الرب


03 Jun
03Jun
إعلان خاص

بالوقت اللي كنت عم بتبشّر بملكوت الله، كتار الناس اللي رفضوك يا ربّ، بس كمان كتار كتير اللي قبلوك بحياتن.

ونحنا اليوم بعد اكتر من الفي سنة بعد في كتير وصلتلن البشارة عم يرفضوك متل ما في العدد الاكبر عم يقبلك.

هيدي هيي الحقيقة اللي ما بتتغير لأنّو الانسان ما فيه إلا ما يقدّر ويحبّ ويحترم كل الآيات والعجايب اللي عملتا واللي بعدك عم بتعملا بهالزمن واللي ما ممكن يتخيّلا ويصدّقا العقل.

وكل اللي حكيتو يا ربّ ما فيه الا ما يفوت عا قلب الانسان وبيتغلغل لعمق اعماقو، وما حدا بيقدر يلتقي فيك ويضلّ منو مهتمّ، يا بدّو يبغضك او يتبعك.

يا رب، انت بتعرف اعماقنا، وفاحص كل اللي بقلوبنا، فيك منآمن وعا دربك، درب القداسة بدنا نمشي اليوم وكل يوم، رغم كل الصعوبات والتجارب، احمينا وقوّينا تا نثبت بطريقك ونعمل مشيئتك.


/الخوري يوسف بركات/

Social media khoddam El rab
تعليقات
* لن يتم نشر هذا البريد الإلكتروني على الموقع.