07 Dec
07Dec
إعلان خاص

منرفعلك يا ربّ أناشيد التسبيح والمجد، ومنعلنك ملك على حياتنا، ومنشكرك على حضورك الدايم والحقيقي معنا وبيناتنا.

حياتياً يا ربّ، الناس بتصير تفتش عن الأشخاص الكبار والعظماء اللي بتنكتب أسماءن وأعمالن ويصيرو يحكولن عن بطولاتن.

يا ربّ، يوحنا كان عظيم بس عكس كل العظماء.

هوي اللي ما خلق متلو إنسان عظيم بنظرك يا رب، واللي إنت حضّرتو تا يكون النبي اللي بدو يحضّر الناس تا يستقبلوك يا سيّد الأسياد.

ونحنا يا رب، كل واحد وواحدة منا إنت محضّرلو مشروع بحياتو تا نمجدك ونعظمك ونعمل من أجل ملكوتك تا نكون أبناء السما.

نحنا بحاجة لنعمك يا ربّ مش تا نعمل أعمال خارقة، وإنّما تا نعمل أعمالنا الصغيري بحبّ وتفاني وتكون عم تترجم إيماننا فيك وبتكون إنت يا ربّ غايتنا وهدفنا وسعادتنا اليومية.


/الخوري يوسف بركات/

تعليقات
* لن يتم نشر هذا البريد الإلكتروني على الموقع.