26 Nov
26Nov
إعلان خاص

بهالصباح المبارك اللي فيه عم تشرق نورك عالبشرية كلا يا ربّ، منسبّحك ومنمجّدك ومنعظّمك.

سؤال منضل نتساءلو كل واحد وواحدة منا بحياتو: كيف ممكن، يا يسوعنا الحبيب اننا نعيش، نحنا الخاطيين، اللي عم تطلبو منّا؟ ما نحنا ما منستاهل.

والجواب الشافي بيجي دايماً عندك يا ربّ: "انا الخبز الذي نزل من السماء".

صحيح يا ربّ، انت مش بس الخبز، إنت الحياة اللي نزلت من السما تا تفوت عا كيان كل واحد وواحدة منا، وتتغلغل بكل خلايانا.

يا ربّ، كتار اللي بيقولو إنّو الحياة صعبة، والعيش بحسب تعاليمك منو هيّن وشبه مستحيل، وكلامك الحلو اللي بتدعينا فيه إننا نمشي معك، ما ممكن يتطبق بهالعالم الفاسد.

هالأشخاص أرضياً معن حق، بس ناسيين أو متناسين إنّو عندك ما في شي مستحيل، ورح نعيش هالحياة بقوّة الروح القدس وآخدينك يا ربّ غذاءنا الروحي ومتسلّحين بحبّك تا ننما فيك ومعك دايماً وأبداً.


/الخوري يوسف بركات/

تعليقات
* لن يتم نشر هذا البريد الإلكتروني على الموقع.