22 Nov
22Nov
إعلان خاص

منرفعلك يا ربّ كل التسبيح والمجد والشكر عا كل نعمك وعطاياك اللي بتفيضا علينا بهالصباح المبارك.

انت بتعرف يا ربّ قديشنا تعبانين بهالحياة، نحنا بحاجة لصدر أمين نتّكىء عليه بثقة، ولصديق حنون نجي لعندو ونشكيلو، ولكتف يشيلنا ويحملنا من تقل هالوضع الصعب اللي عايشينو.

مين إلنا غيرك يا ربّ البيّ المحبّ القادر يحملنا، نحنا ابناءو وبناتو، بقلبو وبعيونو، ومستعد انّو يحمينا وينقلنا من الضغط النفسي للسلام الداخلي بكلامك المريح والمليان حياة ورجا.

يمكن بأوقات، بسبب ضعفنا، ما منحس بحضورك المادي، بس نحنا اكيدين من اننا منسلّمك قلوبنا وذواتنا تا نكتشفك ونعرفك اكنر وأكتر ونقدر نتّكل عليك تا تحمل معنا الصليب وتخليه خفيف.

كيف ما رح يصير الصليب خفيف وانت الحبيب اللي حاملنا مع صلباننا؟ كلنا ايمان بإنّو أحمالنا التقيلة ما بيشيلا الا الحبّ المتجسّد فيك يا ربّ.


/الخوري يوسف بركات/

تعليقات
* لن يتم نشر هذا البريد الإلكتروني على الموقع.