منرفعلك يا رب كل التسبيح والمجد والاكرام بصباح هالنهار المبارك يا ربّ السما والأرض.

كلامك يا ربّي يسوع هوي كلام فيه نور وحياة.

انت الحق الجايي عالعالم حتى يعرف كل انسان انو الحقيقة صارت انسان وتجسدت بيناتنا.

والحياة ما بتحلى الا فيك يا يسوع، انت النبع اللي بيعطي الحياة لكل مين بيطلبا وخاصة اللي بيعيش بحسب كلامك.

في موت واحد يا ربّ، هوي الانفصال عنّك.

الموت الجسدي بدو يصير عاجلا ام آجلا، بس اللي بيكون مسلّم ذاتو لإلك يا يسوع بيصير موتو الجسدي عبور للحياة الأبدية معك.

وهيدا اللي منتمناه ومنطلبو بحياتنا هون عا هالأرض، انّو نحفظ كلمتك، ونحافظ عالعلاقة الحقيقية اللي بتربطنا فيك كأبناء وبنات الك يا ربّ، ونجسّد كلامك بحياتنا تا تصير انت حيّ فينا ونصير نحنا كمان أحياء فيك.

/الخوري يوسف بركات/