14 Nov
14Nov
إعلان خاص

بصباح هالنهار المجيد، ومع بداية هالاسبوع المبارك، منرفعلك كل التسبيح والمجد يا ربّ السما والأرض.

يا ربّي يسوع، فكّر اليهود إنن افضل من غيرن لأنن شعب الله المختار، وصارو يحتقرو كل مين هوي خارج الحظيرة اليهودية، وتحوّل ايمانن بألله لإيمانن بذاتن ونسيو انّو الله هوي بيّ الكلّ.


وانت دايما بكلامك يا ربّ بتعلّم اليهود وبتعلّمنا إنّو الإيمان فيك هوي إننا نتخلى عن الأحكام المسبقة وعن التحجّر، وننفتح عا فكرك، إنت اللي بفعل التجسّد فهّمتنا إنّو ما بقا فيه بين البشر وإنّو الكلّ قدامك متساويين عا شرط انّو نآمن فيك.

يا ربّي يسوع، إنت اللي علّمتنا إنّو إذا آمننا فيك بصدق، بتصير أقوالنا وأعمالنا، وطريقة حياتنا وتعاطينا مع الآخرين، تعبير عن إيمان حقيقي وثابت فيك.

يا ربّ، كلنا إيمان وثقة إنو نحنا بطبيعتنا البشرية منبقى محدودين ومش أحسن من بعض إلاّ عا قدر المحبّة اللي منحبّ فيها.


/الخوري يوسف بركات/

تعليقات
* لن يتم نشر هذا البريد الإلكتروني على الموقع.