10 Nov
10Nov
إعلان خاص

بصباح هالنهار المبارك، منسبحك ومنمجدك ومنباركك ومنعظمك يا إله السما والأرض ، ومنشكرك عا محبّتك اللامتناهية لإلنا.

منشكرك يا خالقنا، لأنك حبّيتنا حبّ ما الو حدود، لدرجة إنّك بذلت إبنك الوحيد، ربنا يسوع المسيح، تا تكون لإلنا، نحنا اللي منآمن فيك ومنعمل بحسب مشيئتك، الحياة الأبديّة.

منشكرك يا ربّنا يسوع اللي تجسّد بأرضنا وصرت انسان متلنا، وشابهتنا بإنسانيّتنا ما عدا الخطية، وبالأخير افتديتنا عالصليب حبّا فينا وتا نعرف قيمة هالنعمة اللي نحنا فيها اننا مسيحيين مدعوّين تا نتشبّه فيك.

منشكرك يا روح الله القدّوس، أجمل هديّة تركلنا ياها الله بالحياة، لأنّك دايماً حاضر وناطر تا نستنجد فيك كل ما بتقوى علينا التجارب والصعوبات.

نحنا أبناءك يا ربّ، أبناء الملكوت، ومش أبناء هالعالم الزايل، ولو عايشين فيه.

عم نسعى تا ما نفكّر تفكير هالعالم المبني عالبغض والكذب والخطية، ونفكّر بحسب هويتنا اللي بتدعينا للمحبة والمسامحة.


/الخوري يوسف بركات/

تعليقات
* لن يتم نشر هذا البريد الإلكتروني على الموقع.