03 Nov
03Nov
إعلان خاص

منرفعلك يا ربّ كل التسبيح والمجد بصباح هالنهار المبارك، ومنشكرك عا كل نعمك وعطاياك.

لمن منقرا او منسمع الامثلة اللي بتحكينا فيها يا ربّ عن المغفرة، منصير نفكر كيف بدنا ننصح غيرنا اللي ما عم يغفر، ومنصير نفتش بالانجيل عن كلامك اللي بيدعي للمغفرة، ومننسى حالنا وبتبقى مشاكلنا مع اخوتنا، وما منسمح لحدا يحكينا عن المغفرة.

بس لمّن منشوف قدّيش كان رحوم هالملك تا شال كل ديون عبدو، ما فينا الا ما نتأمّل ونتأكّد من رحمتك وحبّك اللي خلّوك تنزل عا ارضنا، وتلبس انسانيتنا وتتألم وتموت كرمالنا تا تمحي خطايانا وترفعنا بقيامتك لعند الآب السماوي.

ولمن منشوف قساوة قلب اللي ما صبر عا رفيقو رغم مناجاتو، ما فينا الا ما نلوم حالنا عا كل لحظة مش عم نغفر فيها لكل اللي اذيونا.

وتا نقدر نحصل عا غفرانك يا ربّ ما فينا الا ما نغفر لاخوتنا ونعمل بحسب كلامك يا ربّ.


/الخوري يوسف بركات/

تعليقات
* لن يتم نشر هذا البريد الإلكتروني على الموقع.