02 Nov
02Nov
إعلان خاص

بصباح هاليوم، اللي فيه عم نذكر موتانا اللي تركو هالحياة، منرفعلك يا رب كل التسبيح والتمجيد، ومنطلب منك إنك ترحم اللي ما لحقو يستعدو للقاءك بالعرس الأبدي ، وتحضن كل اللي عرفو ربحو الملكوت.

بهالنهار المميّز، منتذكّر أقرب الناس لقلوبنا، ومنصير نتمنى لو إنن بقيو معنا، وأوقات منعتب، وأوقات منحزن، أكيد عا قد المحبة، لأنن غادرونا بكير يا ربّ.

بهالنهار، منحاول نراجع تاريخ حياتنا الطويل اللي مرق علينا وكنا فيه مبسوطين مع أحبابنا يا ربّ، ومنصير نتذكر أجمل اللحظات اللي عشناها معن، ومن خوفنا من إنن ما يكونو عاشو التوبة الحقيقية قبل مماتن، منصير نطلب منك إنّك تشملن برحمتك يا إلهنا الحبيب.

ومتل حبّك الكبير، كمان رحمتك كبيري يا ربّ، لدرجة إنّك مستعد تغفر خطايا العايشين وبعدن مايتين بخطاياهن، المهمّ هنّي يخطو الخطوة صوبك.

خلينا نوعا عا أهميّة الموت الجسدي، ونآمن إنّو هوي إنتقال من هالحياة الزايلة للحياة الأبديّة معك يا ربّ.

/الخوري يوسف بركات/

تعليقات
* لن يتم نشر هذا البريد الإلكتروني على الموقع.