صبحية مع الرب

يا يسوع الحبيب، بتعلّمنا دايما انّو العمل بمشيئة الرب بيخلّي حبّنا لالله يتجسد ويصير حقيقة وواقع منعيشو بحياتنا.

كل حياتك عالأرص، ركّزت عيونك على الآب السماوي تا تتبنّى مشيئتو وتعمل فيا بكل امانة وبطاعة حبّ مطلقة.

ولأنّك بتحبّ الانسان يا ربّ، وتجسّدت عالأرض بفعل الحبّ الالهي، بتريد انّو العالم كلّو يعرف مدى عظمة هالمحبّة اللامحدودة بينك وبين الآب والروح القدس.

وكلامك واضح يا ربّ انّو اللي بيحبّ ما في الا ما يعمل مشيئة اللي بيحبّو، وهيدا هوي الحبّ الملتزم ومش حبّ العواطف العابرة.

نحنا منحبّك يا ربّ، من كلّ قلوبنا وعقولنا وأفكارنا، من كلّ كياننا.

ساعدنا على اننا نصدّق اكتر واكتر كلامك ونحبّ مشيئتك ونقبلا متل ما هيي، ولو بأوقات بتكون مؤلمة، ونعمل فيها تا تحيا انت فينا.

/الخوري يوسف بركات/