13 Oct
13Oct
إعلان خاص

أجمل صباح اللي بيبدأ باشعاع نورك، واحلى صبحية مع كلامك اللي بيغلغل بقلوبنا يا ربّي يسوع.

يا ربّ الكرم، انت اللي زرعت كل واحد وواحدة مننا تينة، بكرم هالعالم، تا نثمر ثمار تليق فيك وبحبّك اللي حبّيتنا ياه وكان الملء عالصليب.

يا ربّ الكرم، نحنا، هالتينة اللي زرعتا بهالعالم، رح نسعى، بكل ما اعطيتنا ياه من نعم ومواهب، اننا نثمر حياة الهية متجلاية بأعمالنا الصالحة اللي بتمجّد اسمك.

يا ربّ الكرم، والبيّ الحنون اللي دايما بتتركلنا المجال اننا نتوب ونرجع نشتغل عا ذاتنا تا ترجعلنا الكرامة البنوية تجاهك واللي خسرناها بفعل انانياتنا وكراهياتنا لبعضنا البعض، رح نبقى عم نجاهد الجهاد الصادق تا نكون مستعدين للقاءك بالفرح الابدي معك.

بس يا ربّ الكرم، بكتير من الاوقات عم نكون ناشفين وقاحلين، ما منعطي ثمار لحياتنا الروحية ومستحقين الفصل عن السعادة الأبدية.

مسؤوليتنا كبيرة يا ربّ، وحبّك ورحمتك بيخلونا مستعدين اننا نعطي ثمار بتليق فيك.

/الخوري يوسف بركات/

تعليقات
* لن يتم نشر هذا البريد الإلكتروني على الموقع.