08 Oct
08Oct
إعلان خاص

منرفعلك كل التسبيح والمجد والاكرام يا ربّ السما والارض، انت اللي اخترت الرسل تا يعلنو مجدك ويبشرو بقيامتك كل الخليقة.

من بين هالرسل، منذكر اليوم الرسول يعقوب وقريبك، اللي اعلن مجد قيامتك بحياتو وعانى كل الاضطهادات حبّا فيك، وجاهد الجهاد الحسن تا يكون اسمك محفور بقلبو وبقلوب كل اللي بشّرن فيك.

الرسول يعقوب، اللي اخد من قربو منك القوة ومن تلمذتو لإلك الثبات بالحقيقة، ومن الروح القدس بعد القيامة الفرح بالرسالة، بيعلّمنا باستشهادو كيف نبقى مسلمينك ذاتنا مهم ضائت الدني وصعبت الحياة فينا وهددتنا الخطية، بتبقى وحدك غايتنا وهدفنا.

من القدّيس يعقوب مناخد كيف بتكون الرسالة ما الها حدود، وكيف انو كلامك فيه حياة، وانو العيشة معك ما بتعطي الا الفرح والسلام والرجا بحياة مليانة حبّ.

يا يسوع الحبيب، نحنا بدنا نكون متل كل الرسل اللي تركو كل شي وتبعوك، نعرف نتخلى عن كل شي بيعلّقنا بالعالم، ونتبعك انت الطريق والحق والحياة.


/الخوري يوسف بركات/

تعليقات
* لن يتم نشر هذا البريد الإلكتروني على الموقع.