25 Sep
25Sep
إعلان خاص

منسبحك ومنمجدك ومنعظمك يا الهنا الحبيب ومنشكرك على كل نعمك وعطاياك اللي بتفيضا علينا اليوم وكل يوم من ايام حياتنا.

هالمثل اللي عطيتو يا رب للتلاميذ بيطال كل واحد وواحدة منا نحنا المعمّدين المدعوين اننا نشتغل بحقلك، حقل الرسالة، حقل المحبة والخدمة المجانية.

وحقل البشارة، بقيامتك وبالسلام اللي عطيتو من قيامتك، طويل وصعب ومليان عقبات من القريب ومن الغريب.

والاصعب انو الشغل بهالحقل ما في الو مردود مادي، ويمكن ما نشعر فيه عالارض، بس الأكيد إنّك اله وسيّد عادل ومحبّ وحنون، بتجازي كل واحد وواحدة منا بحسب أداءنا بهالرسالة، وزيادة عليها نفحة من حبّك يا ربّ السما والارض.

ومنطق المحبّة اللي عشتو قدامنا وبتدعينا اننا نعيشو هوي نبع ما بيجفّ ولا حتى بينقص، لا بل بيزيد ويزيد تا يفيض فرح وسلام بقلوبنا وقلوب كل اللي بيتعرّفو عليك.

روينا يا ربّ من نبعك الحنان والرحمة والمحبّة تا نقدر نرتوي ونروي الآخرين منّك.


/الخوري يوسف بركات/

تعليقات
* لن يتم نشر هذا البريد الإلكتروني على الموقع.