صبحية مع الرب


27 May
27May
إعلان خاص

يا ربّي يسوع، لمن حلّ الروح القدس عالتلاميذ بالعلية وقت العنصرة شال عنن الخوف وما عادت قلوبن مضطربي.

والانسان اللي بيعيش معك يا ربّ، ما ممكن يخاف ولا حتى يحسّ بالقلق من شي حتى لو تألّم داخليا او خارجيا.

حبّك يا ربّ اللي فيه عطيت للألم معنى، من خلال التضحية بذاتك وافتداءك لالنا نحنا البشر ابناءك، بيفتحلنا الباب عا نور قيامتك من خلال اخوتنا اللي داعينا اننا نعيش حبّك بيناتن.

وتا نعيش حبّك بهالعالم، ما فينا الا نمتلي من الايمان بقدرتك على تغيير قلوبنا وافكارنا وعقولنا تا نقدر نعبر للحياة فيك بظلّ آلام الحياة اللي عايشينا.

معك يا ربّ منمتلي حياة لانك انت الطريق، وفيك بدنا نوصل لألله الآب، وانت الحق اللي فيك بدنا نعيش الصدق، وانت الحياة اللي فيك عم نسعى بكل ايمان على اننا نعيشا.


/الخوري يوسف بركات/

Social media khoddam El rab
تعليقات
* لن يتم نشر هذا البريد الإلكتروني على الموقع.