23 Sep
23Sep
إعلان خاص

بصباح هالنهار المجيد منسبّحك يا ربّ ومنعظّمك ومنباركك لأنّك عم تشرق علينا نورك.

مطلب هالشب الغني يا ربّ هوي مطلب كل واحد وواحدة منا. كلنا بدنا نحصل عالحياة الأبدية، وجوابك الدايم يا يسوع هوي اننا نحقّق اللي بيطلبو منا ايماننا.

واليوم ذكّرت الشبّ الغني وبتذكّرنا بالوصايا الخاصة بالمحبّة: محبة الله ومحبة الانسان.

ومع انّو هالوصايا الالهية بديهية وكل انسان منا بيعرفا، بس القوّة هيي اننا نطبّق مفاهيما بحياتنا بالمحبة اللي بتسامح وبتغفر، وهيدا الشي كافي تا نوصل للحياة الابدية اللي ما بتنتهي.

يا ربّ، متل ما انت حبّيت هالشب اللي تربّى عا معرفة ارادة الله من صغرو وعارف انو قادر يقوم بأكتر من هالمعرفة، وهوي انو يتخلى عن كل شي ويتبعك، هيك انت كمان مع كل واحد وواحدة منا، بتحبنا حب ما الو حدود، وبتدعينا اننا نتخلى عن كل شي بيعلّقنا بهالدني وبملذّاتا وبشهواتا ونتبعك تا نلاقي فيك الفرح اللي ما بينتهي ونستعد للحياة الأبدية الدايمة معك.


/الخوري يوسف بركات/

تعليقات
* لن يتم نشر هذا البريد الإلكتروني على الموقع.