صبحية مع الرب


17 Sep
17Sep
إعلان خاص

بصباح هالنهار المبارك، منرفعلك كل التسبيح والتمجيد يا ربّ السما والأرض.

يا يسوع، نحنا منلاقي حالنا قدام خيارين: يا منمشي بطريقك يا ربّ، طريق الخلاص، ومنكون ابناء النور، يا منرفضك ومنرفض تعاليمك ومنكون من اولاد الظلام.

والمهمة مش سهلة، لأننا اخترنا اننا نكون ابناءك وبناتك يا ربّ، وعارفين اننا رح نلاقي اضطهادات كتيرة بالعالم ومن العالم لأنّو العالم تعوّد عالعتمة.

وشو صعبة عالانسان العايش بالعتمة انو يتغيّر ويلحق النور؟ صعبة عليه انو يطلع عالضو.

هالشي صحيح بس مش مستحيل.

وهيك انت يا ربّي يسوع، يمكن مزعج بمتطلباتك: بتفوت عا حياتنا تا تنقلنا من الظلمة للنور ومن الموت للحياة والقيامة، ونحنا بدورنا منرفض تدخّلاتك ومنضل عايشين بالموت.

يا ربّ، بالماضي يمكن شوّهنا صورتك بأفعالنا، وجايين لعندك اليوم تا تصيّرنا تلاميذ جداد نعكس نورك بالعالم.


/الخوري يوسف بركات/

تعليقات
* لن يتم نشر هذا البريد الإلكتروني على الموقع.