صبحية مع الرب


26 May
26May
إعلان خاص

منسبّحك يا ربّ ومنعظّمك ومنباركك عا هالصباح المبارك اللي فيه بتشرق علينا بنورك.

الانسان لمن بيعطش بيبرّم عا اقرب مكان يشرب منو تا يرويلو عطشو وكتير من الاوقات بيكون قريب منّو بس ما بيشوفو.

ونحنا يا ربّ دايما عنّا عطش لكلامك اللي دايما موجود تا يروينا وقد ما ارتوينا ما منشبع منو.

عنا عطش لنلتقي فيك يا ربّ بالرغم من انّك انت اللي عم تدعينا، نحنا اللي دايما عم نفتّش، بعيد عنّك اوقات كتير، عن اساليب او اماكن نلاقي الراحة فيها، بس وحدك الملجأ والراحة الدائمة.

عنا عطش لنتّحد فيك يا ربّ بالرغم من انّك عاطينا جسدك ودمك اللي سفكتن حبّا فينا، نحنا اللي قد ما برمنا ما رح نلاقي حدا او شي يملّينا الّا حبّك اللي ما الو حدود.

عنا عطش الك يا روح الله القدّوس، تعا واروينا من ينابيع المحبّة والرحمّة والسلام والايمان.


/الخوري يوسف بركات/

Social media khoddam El rab
تعليقات
* لن يتم نشر هذا البريد الإلكتروني على الموقع.