صبحية مع الربّ


10 Sep
10Sep
إعلان خاص

منرفعلك كل التسبيح والمجد والاكرام يهالصباح المبارك يا اله المحبة والرحمة يسوع المسيح.كتير من الاوقات منكون متل هالانسان صاحب الوزنة الواحدة اللي ما عرف او حتى ما قبل يتاجر فيا. منصير نفقد صبرنا، ومنبلش نتضايق من اقل شي بيصير معنا، ومنفقد صبرنا بهالحياة وخاصة بالاوضاع الاقتصادية والاجتماعية والمعيشية الصعبة اللي بتأثّر على حياتنا الروحية معك.

وبدل ما يكون عنا الرجا فيك يا ربّ، ونكون متأكدين من حضورك فينا وحملك لكل مشاكلنا، منصير نتأفّف عالوضع ومننسى العقل اللي عطيتنا ياه تا نفكر من خلالو نمشي بطريقك طريق الحق.

بس تا نقدر نكون معك يا ربّ، عم نجرّب نفهم ونتأكد انو هالوزنات اللي عاطينا ياها، على انواعا، ما فينا نتركا من دون تفعيل، لازم وعلينا المسؤولية، كأبناء وبنات الملكوت، اننا نستثمرا فعل حب وعطاء وتحضير للقاءك.

الك منا كل الشكر عا نعمك وعطاياك بحياتنا اللي بتنوّرا بنورك يا رب.


/الخوري يوسف بركات/

تعليقات
* لن يتم نشر هذا البريد الإلكتروني على الموقع.