صبحية مع الرب


05 Sep
05Sep
إعلان خاص

ببداية هالأسبوع المبارك، منرفعلك اناشيد التسبيح والتمجيد والشكر يا ربّ السما والأرض.

مين متلك يا ربّ بيشوف حقيقة قيمة الانسان بكل وضوح؟ ما حدا قادر يعمل اللي عملتو لمن جبت الطفل وحطّيتو بالنص بين التلاميذ، كان تا تعطيون وتعطينا الدرس بإنّو شفافيّة هالطفل، وكلّ طفل، بتعكس شفافيتك بالصدق والعفوية والتواضع والطاعة.


قدّيش كنت وبعدك حريص يا ربّ على إنّك توضّح وتبيّن لتلاميذك، ولكل انسان، بإنو اهم شي عندك هوي الاهتمام بالضعيف والمحتاج، بخلاف منطقنا ومنطق مجتمعنا اللي بيعطي المكانة للقوي وللغني ولصاحب السلطة والمركز.

بالنسبة لإلك يا ربّ، الإنسان هوي اللي بيعطي قيمة لموقعو ومش العكس.

والطفل بحاجة لرعاية وحبّ من أهلو ومن محيطو تا ينما، لأنّو بعمرو بيحب يقلّد اهلو، عن براءة وتواضع.


ونحنا يا ربّ، بدنا نكون أطفال بملكوتك، نتعلّم منّك، ونقلّدك تا نقدر نطلع واعيين لكلامك ونعمل فيه.


/الخوري يوسف بركات/

تعليقات
* لن يتم نشر هذا البريد الإلكتروني على الموقع.