صبحية مع الرب


25 May
25May
إعلان خاص

بتأمّلك اليوم يا ربّي يسوع واقف وعم تحاكي السامريّة وعم بتأكّدلا انّو الله الآب تفكيرو غير تفكير البشر، لهيك بيليق لإلو السجود بالروح والحق اللي هنّي اساس الدعوة معو.

كتار من الناس، خاصة المسؤولين يا ربّ، بيلجأوو للطقوس والممارسا ت الخارجية تا يعفو حالن من الالتزامات بمتطلبات الايمان.

ويننا نحنا من عمادنا ومفاعيلو ومن مسيحيتنا؟ ما بدنا يا ربّ نكون عم نسجد لإله صنم ما بيزعجنا ومنسكّتو بشويّة صلوات وطقوس وعبادات. بدنا ياك وحدك الهنا ومخلصنا.

بدنا نضل متمسّكين فيك رغم كل الصعوبات اللي عم نواجها، وخصوصي بهالأزمة اللي عم بتطال العالم. بدنا نحسّ بنظراتك لالنا عم تدعينا للحبّ، ونجاوب عا حبّك لإلنا بحبنا بعض لبعض.

يا ربّ، بدنا ياك توعّينا عا حقيقتنا كأبناءك وبناتك تا نقدر نكمّل مسيرتنا معك وتكون انت هدفنا الوحيد.

/الخوري يوسف بركات/

Social media khoddam El rab
تعليقات
* لن يتم نشر هذا البريد الإلكتروني على الموقع.