صبحية مع الرب


02 Sep
02Sep
إعلان خاص

كل التسبيح وكل التمجيد وكل الشكر الك يا اله الكون وخالق السما والأرض وكل اللي فيها.لوين بدنا نروح يا ربّ وانت الملجأ الوحيد لكل انسان بيآمن فيك، وعندك بيلاقي الراحة الحقيقية؟

حويلا مين غيرك يا ربّ بدنا نجتمع وكل الكلام المفيد والبيريّح والجذّاب ما بيطلع الا منك؟

شو في اجمل وأعذب من كلامك يا ربّ لمّن بتدعينا للمحبّة والمغفرة والتسامح والعطاء والخدمة؟

شو في اطيب وألذّ من جسدك ودمك، يا ربّ، اللي عطيتنا ياهن زاد وزوادة برسالتنا وبطريقنا للملكوت؟

ومين اللي قادر يعطينا السلام والطمأنينة والرجا بوقت الصعوبات غير روحك القدّوس المعزّي اللي بيملّينا ثقة إنك ما بتتركنا نضيع بمتاهات هالعالم المليان شرّ.

بس كمان، منسمعك عم تسألنا السؤال الأهم وهوّي: ويننا من التسليم الكلّي لإلك؟ لهيك، رح نسعى دايما إننا نصغي لكلامك ونعمل فيه.


/الخوري يوسف بركات/

تعليقات
* لن يتم نشر هذا البريد الإلكتروني على الموقع.