27 Aug
27Aug
إعلان خاص

منسبّحك ومنمجّدك ومنباركك يا ربّ عا إشراقة نورك علينا بهالصباح المبارك.

كل ما منفتح الكتاب المقدس ومنقرا فيه، منشوفك عم تدعينا دايماً للمحبة الأخوية وللمسامحة والمغفرة بلا حدود.

ونحنا كمان رح نسعى دايماً إننا نطبّق كلامك اللي علمتنا ياه ونغفر من كل قلبنا، مش بس لأحباءنا، كمان لكل مين بيأذينا.

كل ما منفتح الإنجيل منلاقيك عم تدعينا للإيمان فيك يا ربّ، ونثبت بحبّك تا حتى نكون عم نعرف نعيش الفرح الدايم.

وهيدي رسالتنا إننا نعيشك بكل لحظة من لحظات حياتنا.

كل ما منفتح كتابك يا ربّ، منلاقيك عم تدعينا تا ما نعيش الشكّ والنميمة والحكي عا بعضنا البعض بحجّة إننا أحسن منن.

ونحنا رح نسعى تا ما يخيب أملك فينا وتكون القداسة هدفنا و غايتنا.

منحبّك يا ربٍ، ومنحبّ كلّ إنسان إنت حطيتو عا دربنا تا يكون طريقنا لعندك، من دون تأفف.


/الخوري يوسف بركات/

تعليقات
* لن يتم نشر هذا البريد الإلكتروني على الموقع.