صبحية مع الرب


27 Aug
27Aug
إعلان خاص

بصباح هالنهار المبارك، منرفعلك كل التسبيح والتمجيد يا ربّ السما والأرض.

يا يسوع الحبيب، قدّيشك عظيم وقدّوس تا ما تأثّرت بالفرّيسيين اللي كانو عم يستهزؤو فيك لمّن شافوك عم تتعالى عن المال والتعلّق فيه كرمال تعلّمن وتعلّم تلاميذك انّو الهدف الأسمى والأوحد هوي كيف نرضي الله وما نرضي انانيّاتنا.

ومتل ما بيقول مار بولس انّو حبّ المال هوّي اصل الشرور، لمسناه وبعدنا عم نلمسو من بداية الخليقة ليومنا هلق، ورح يبقى لأنّو الانسان اللي ما بيآمن إنّك انت وحدك القادر على انّك تعطي السعادة بملآا، رح يضلّ يفتّش عنها بعيد عنّك، ورح يضل ضايع بمتاهات العالم المادّي المرتكز عا حبّ الذات.

يا يسوع الحبيب، منّك منتعلّم كيف نتخلّى عن كل شي بيعلّقنا بهالعالم. علّمتنا كيف نتحدّى، بالحبّ الحقيقي الصادق، كل مغريات الدني بما فيها المال والثروات، بهدف اللقاء فيك بالملكوت السماوي.


/الخوري يوسف بركات/

تعليقات
* لن يتم نشر هذا البريد الإلكتروني على الموقع.