25 Aug
25Aug
إعلان خاص

ما في أحلى من الصباح لمّن بيبتدي بتسبيحك يا ربّ، بيصير نهارنا كلو بركة وسلام.

نحنا كتلاميذك يا ربّ، منعرف إنّو كل شي منملكو عا هالأرض هو منّك وإلك، لهيك دعوتنا إننا نحافظ عليه ونعرف نستثمرو لمجدك وما نضيّعو هدر لغاياتنا الأرضيّة.

كل شي عاطينا ياه عا هالأرض يا ربّ هوّي أمانة ووسيلة تا نقدر من خلالو نتاجر فيه للخير العام ولخدمة إخوتنا اللي حاططن بدربنا تا نوصل لعندك ونتنعّم معك بالملكوت السماوي.
وتا نقدر نتاجر بهالوزنات اللي عاطينا ياهن عم نسعى تا نتحرّر من سجن الطمع المفرط عا حساب الآخرين، ومن الكراهية اللي بتودّي للقتل، ومن الكبريا اللي ما بيخلّينا نشوف وجع الآخرين، ومن الأنانيّة اللي بتعيّشنا بالوحدة واليأس.

هدفنا بالحياة هوّي إنت يا ربّ، ورح نضلّ نجاهد بقوّة الروح القدس بوجّ العالم تا نوصل لعندك.


/الخوري يوسف بركات/

تعليقات
* لن يتم نشر هذا البريد الإلكتروني على الموقع.