صبحية مع الرب


23 May
23May
إعلان خاص

يا ربّي يسوع، تحققت وعودك اللي وعدتنا فيا وحلّت السما عالأرض من لمّن تركت الروح القدس بيناتنا ومعنا.

يا ربّي يسوع، مع الروح القدس، اللي طلبت من الآب يبعتلنا ياه تا يكون معنا، ولدنا الولادة جديدة متل ما قلتللو لنيقوديموس.

يا ربّي يسوع، بالعماد بالميّ والروح صرنا منتميين لعيلتك الثالوثيّة، صرنا ابناء وبنات الآب والإبن والروح القدس.

يا ربّي يسوع، كلامك كلّو حياة وحقيقي وواقعي.

انت اللي نبّهتنا على انّو مولود الجسد رح يبقى جسد لأنّو آخرتو التراب، بينما المولود من الروح القدس ما ممكن الا ما يكون هدفو الله.

وعلينا نحنا اننا نختار.

يا ربّي يسوع، كحّل عيوننا بنور روحك القدّوس تا نعشق دربك عاطول ونضل عم نسعى اننا نبتعد عن ظلمة هالهالم الفاني وملذّاتو الفارغة.


/الخوري يوسف بركات/

Social media khoddam El rab
تعليقات
* لن يتم نشر هذا البريد الإلكتروني على الموقع.