صبحية مع الرب


15 May
15May
إعلان خاص

بصبحك يا ربّ بهالنهار المبارك مع العدرا مريم سيدة الحصاد اللي عم نعيّدلا عيدا اليوم.


منسمعك يا ربّ عم بتأكّد للناس انّو كل انسان بيسمع كلمتك وبيعمل فيها بيكون من عيلتك.


كيف ما رح تكون العدرا مريم إمّك يا ربّ؟ هالانسانة اللي سلّمتك ذاتا تا تحلّ فيها وتتجسد وتصير انسان متلنا وتعيش بيناتنا وتباركنا.


كيف ما رح تكون العدرا مريم تلميذتك الأولى يا ربّ؟ هيي اللي سمعت كلامك وعملت فيه وتتلمذت عا ايديك ولحقتك من مكان لمكان تا تتأمّل فيك وبكلامك الالهي.


وكيف ما رح تكون العدرا مريم إمّنا يا ربّ؟ هيي اللي حبّيتا ونقّيتا من من بين كل النساء ودعيتا تا تكون امّنا وشفيعتنا.


لهيك نحنا كل يوم منكرّمك يا مريم، يا ام الله وامنا، ومنسلّمك، بالاضافة الى عائلاتنا، بيوتنا ومزروعاتنا وحصادنا، تا تباركيهن وتحمينا من كل الاضرار.


/الخوري يوسف بركات/

Social media khoddam El rab
تعليقات
* لن يتم نشر هذا البريد الإلكتروني على الموقع.