صبحية مع الرب


25 Nov
25Nov


شو حلو صباحك يا ربّ لمّن بفتّح عيوني عا كلامك.

شو حلو كلامك يا ربّ بهالنهار، وشو بيعزّي. بس صعب.

انت بتعرف يا ربّ انّا عم نحاول، بكل قوّتنا، انّا نكون من عيلتك ونعمل بمشيئتك بحياتنا.

بس بكتير من الاوقات منوقع تحت ضغط ضعفنا وتحت تأثير المجتمع من ميل والمركز من ميل والقال والقيل من ميل.

قديش منحبّ نكون هالافراد اللي عم يعكسو اسم هالعيلة، عيلتك الروحية، كنيستك اللي حاملة اسمك: المسيحية، بس تا نقدر نكون من عيلتك يا رب بدنا نعيش الالتزام بمبادئك اللي هيي تعاليمك وأهما المحبة والمغفرة والخدمة حتى بذل الذات متل ما انت حبيتنا وبعدك بتحبنا بضعفنا، وخدمتنا وبعدك عم تكون حدنا ولو بعدنا، وبذلت ذاتك عنّا وبعدك عم تعطينا ذاتك بالكلمة وبالقربان المقدس تا تكون لإلنا الحياة الأبدية.

قولتك يا ربّ، منستاهل كل اللي عم تعملنا ياه؟


/الخوري يوسف بركات/

تعليقات
* لن يتم نشر هذا البريد الإلكتروني على الموقع.