صبحية مع الرب


19 Nov
19Nov


مع إطلالة نور هالصباح المبارك بمجّدك وبكرّمك يا إله السما والأرض.


قدّيش، ياربّ، كنت عم تتعرّض للإنتقادات والإحتقار لأنّك عم بتقول الحقيقة؟

قدّيش كنت عم تتبهدل لأنّك جيت تا تعلّم الناس المغفرة؟

قدّيش قاسيت يا ربّ تا تعلّم الناس كيف يكون الإنتماء لألله من خلال الإلتزام بالقول وبالفعل؟

ونحنا اللي منحمل إسمك ، ومننتمي لإلك، وبدنا ياك ملك عا حياتنا وعا قلوبنا، علّمنا يا ربّ كيف نسلّمك ذاتنا بكلّيتا، وضلّ معنا بهالنهار وكل الأيّام ، وساعدنا على إنّو ننتبه لحضورك بحياتنا.

اليوم، رح نحاول إنّو تكون أعمالنا مراية تعكس إنتماءنا لإلك، ونعرف نعيش هويّتنا كمسيحيين، ونمشي دربك، درب القداسة اللي بتدعينا لإلها، وننما بحبّك وبحبّ بعضنا لبعض.


/الخوري يوسف بركات/

تعليقات
* لن يتم نشر هذا البريد الإلكتروني على الموقع.