صبحية مع الرب


14 Nov
14Nov


شو صعب يا ربّ انّو نكون مسؤولين عن تطبيق مشيئتك، لأنو علينا إنّا نعرفا عا حقيقتا ونعيشا بكلّ كياننا.

ولمّن منعيش بحسب مشيئتك، منسمح لإلها إنها تحوّلنا، وتصيّرنا شهود لإلها بكلّ حياتنا، وبيصير نورك يشعّ من خلالنا.

انت يا ربّ اللي عطيتنا ذاتك، لمن نزل منّك دم عالصليب متل خمرة الحبّ المجّاني اللي حبّيتنا ياه، وانت اللي دعيتنا تا نتوب ونتبدّل ونتّحد فيك، وانت اللي سكبت فينا حياتك من نبع الوهيتك.

اعطينا يا ربّ انّو نفهم، عا ضوء رحمتك، معنى الحبّ الحقيقي تا نقدر نبادلك ولو اجزاء من هالحب، ونعمل بمشيئتك، ونشيل من قلوبنا وأفكارنا كل خطايانا تا تتغيّر حياتنا جذريّا.

اعطينا انّو نجسّد مشيئتك بحياتنا، ونشتغل على انّو نوصّلك لكلّ انسان محتاج للمسة من حنانك بتشفي جراحات قلبو.

/الخوري يوسف بركات/

تعليقات
* لن يتم نشر هذا البريد الإلكتروني على الموقع.