صبحية مع الرب


10 Nov
10Nov


صباحي اليوم مليان حياة من اللي عم تعطيها لخرافك يا ربي يسوع.

قديشك امين لرعيتك تا عم بتأكّدلا انّك ما بتتركا.

قديشك امين لخرافك، ما بتتراجع ولا يوم عن محبّتك لالن مهما ضلّوا.

قديشك قريب من قطيعك تا عم تحسّسن بالأمان والسلام.

قديشك بيّ حنون يا ربّ تا تدعينا نحط حالنا بين ايديك وما نخاف لأنّك صيّرتنا ابناء ناطرين الكلمة، وما عدنا عبيد بتمشينا العصا.

ضلّ معنا يا ربّ، واعطينا نعمة الشعور بإنّك حاضر معنا تا نعرف مسؤولياتنا كتلاميذ ورعيان صالحين بمجتمعنا.

جدّدنا بإيماننا وبصلاتنا وبحياتنا تا ننال منك الحياة ونعرف إنّك انت الباب اللي بودّينا للملكوت، وانت الراعي اللي بتعرفنا وبتحبنا متل ما نحنا.


/الخوري يوسف بركات/

تعليقات
* لن يتم نشر هذا البريد الإلكتروني على الموقع.