صبحية مع الرب


31 Oct
31Oct


بفتّح عيوني عا نورك يا ربّ اللي بتشرقو عليي من خلال كلامك.

شو بحسّ حالي بعدني بعيد عن دعوتك لإلي إنّي كون القمحة بين الزؤان واللي فيها بيسطع الابرار متل الشمس بملكوتك. 

قد ما طالت حياتنا عا هالأرض، رح بتضل قصيرة كتير. وبهالحياة نحنا منقرّر اذا منحصل عالحياة الأبديّة أو لا من خلال أعمالنا اللي يتعكس نيّاتنا.

وقدّيش منكون مظلومين، نحنا البشر بكتير من الأوقات، عا هالأرض الفانية. بس معك يا ربّ ما في مكان للظلم لأنّك بتفوت لعمق ضمير كل واحد وواحدة منا. 

واجمل شي بالحياة انّو نكون عم نعيش الشفافية والمحبّة تجاهك وتجاه كل انسان منلتقي فيه، وهيك منكون عم نعبّرلك عن مدى استعدادنا للقاءك بملكوتك السماوي.


/الخوري يوسف بركات/

تعليقات
* لن يتم نشر هذا البريد الإلكتروني على الموقع.