صبحية مع الرب


28 Oct
28Oct


صباح كل شي حلو هوي صباحك يا ربّي يسوع المسيح.

إذا بدنا نترجم اللي عم تدعينا عليه اليوم بكلامك يا ربّ، منلاقي إنّو في كتير من الآلهة بتمنعنا من إنّا نستقبل كلمتك بحياتنا.

من هالإشيا المهمّة والخطيرة المال اللي حذّرتنا منّو وإعتبرتو إله عم نساويه فيك.

حدّ المال بيجي الكبريا اللي بيسكّر بواب قلوبنا قدام كلمتك وبيحطّنا آلهة بدل منّك.

في الأنانيّة اللي بتخلّينا نكون هدف لكل شي منعملو، ومنرفض نكون خدّام لإلك مع الآخرين.

وفي شهواتنا ورغباتنا اللي بتطغى علينا بكتير من الأوقات وبتصيّرنا عبيد لإلها وبتحجب نور كلمتك عن أفكارنا وعقولنا وقلوبنا. 

يا ربّ، بدنا كلمتك تكون وحدا الفاعلة بحياتنا.

بدنا ياك تشيل عنّا كل شي بيحاول يبعدنا عن الإتحاد فيك، تا نرجع نضوّي، بمجتمعنا، شعلة نورك. ونكون، بشهادتنا الحقيقية لإلك، أرض طيبة وخصبة تحصد ثمار ما بتنعدّ، لملكوتك.


/الخوري يوسف بركات/

تعليقات
* لن يتم نشر هذا البريد الإلكتروني على الموقع.