صبحية مع الرب


26 Oct
26Oct


ما في اجمل من الصباح لمّن بتكون الدني كلّا عم بتسبّحك بأحلى الاناشيد.

واليوم مع هالصباح، بدّي اتجاوب مع دعوتك لإلي تا كون تلميذ صالح على مثالك يا معلّمي الأوحد، ربّي يسوع المسيح.

ما بدّي كون الطريق الجافّة، ما بعرف شي عنّك ولا عن كلامك.

ما بدّي كون الأرض الصخريّة، هبّ بحماس لكلمتك وبرجع بنطفي بسرعة من دون لا التزام ولا ثبات.

ما بدّي كون هالأرض الشوكيّة، خلّي هموم الدني تاكلني وتخنق كلمتك شوي شوي وتقتلا تا ما تعطي ثمر محبّة.

بدي كون الأرض الطيبة، اتفاعل مع كلمتك بكلّ كياني والتزم فيها، واعطي ثمار محبّة لالك ولخيّي الانسان.

وحدك يا ربّ بتعطيني القوّة تا كون هالأرض الجيّدة.


/الخوري يوسف بركات/

تعليقات
* لن يتم نشر هذا البريد الإلكتروني على الموقع.