صبحية مع الرب


24 Oct
24Oct


صباح المشاركة هوي صباحك يا ربي يسوع المسيح.

بوعا عا صوتك يا ربّ عم تدعيني لوليمة عرسك، هالوليمة المليانة حياة وفرح ومشاركة.

بسمعك عم تدعيني تا البس تياب العرس اللي بتتجلّى بمحبّتك ومحبّة خيي الانسان، واذا ما كنت لابس هالتوب ما الي محل بجماعتك يا ربّ.

ما تخلّيني يا رب كون من المسيحيين اللي بيدّعيو المسيحية، بس شهادتن الحياتيّة ما بتدلّ على انّن تلاميذك. بدّي تكون حياتي كلّا صورة عن حياتك يا ربّ من خلال مشاركتي فرحك مع كل انسان بلتقي فيه.

ولانو العالم بحاجة لناس ممتليين من نعمك، اليوم عم تدعي كل واحد وواحدة منّا تا تعيش فرح القيامة، ونحبّ ونتقاسم محبّتك بين بعض تا نستحق نكون تلاميذك.


/الخوري يوسف بركات/

تعليقات
* لن يتم نشر هذا البريد الإلكتروني على الموقع.