صبحية مع الرب


16 Oct
16Oct


صباح الاخوّة والسلام هيدا صباحي معك اليوم يا ربّي يسوع.

تعا يا يسوعي الحبيب، تعا واجمعنا بروحك القدوس، تعا تا تخلّصنا من ضياعنا، وبدورنا تبعتنا تا نفتّش معك عن الدرهم الغالي الضايع، عن اخوتنا اللي بعدو عنّك.

تعا يا يسوع وشيلنا من هاللامبالاة اللي عايشينا تجاه اخوتنا اللي برأينا هنّي وحدن الخاطيين.

تعا يا يسوع تا نحسّ بفرح اللقاء فيك، انت اللي بتجمعنا مع بعض بجماعة محبّة عم بتمجّد اسمك بحياتا. شيلنا من وثنيّتنا، من مسيحيّتنا المزيّفة اللي بتمجّد ذاتنا وما بتمجّدك.

اليوم يا ربّ، عم تدعينا تا نطلع من ذواتنا ونروح صوبك، ومع روحك القدّوس نحمل معنا كل انسان بعيد عنّك وضايع تا يرجع بدورو لعندك ويلاقي فيك الأمان والفرح والسلام.


/الخوري يوسف بركات/

تعليقات
* لن يتم نشر هذا البريد الإلكتروني على الموقع.