صبحية مع الرب


16 Oct
16Oct


ما في اجمل من صباحك يا ربي يسوع، انت اللي بتمليّه من نورك.

انت يا رب نور حياتنا، ومعك ما في ظلام ولا في ضياع ولا في موت. انت شمس حياتنا وقدامك بتنفتح كل البواب، وبتتنقى ضمايرنا وبتطّهر نفوسنا. 

انت يا ربّ اللي تركت مجد السما وجيت على عالمنا تا تفتّش عن الخاروف اللي بيعترفلك بكل امانة إنّو ضاع.

هالخاروف هوي نحنا، ونحنا بحاجة الك. ميشان هيك تركت التسعة وتسعين اللي بالسما وجيت تا تلاقينا وتخلصنا. 

يا ربّ، كل واحد وواحدة منّا هوّي شغلك الشاغل. منطلبك تا تساعدنا بضعفنا وتقوّينا فيك تا نقدر نشترك بوليمة عرسك. وشو حلوة العودة لحضنك المليان سلام ما ممكن حدا يعطينا ياه غيرك.


/الخوري يوسف بركات/

تعليقات
* لن يتم نشر هذا البريد الإلكتروني على الموقع.