صبحية مع الرب


08 Sep
08Sep


مع يواكيم بيا للعدرا، ومع حنّة إمّا، بسبّحك وبمجّدك يا رب السما والأرض.

مع يواكيم، هالشيخ الجليل اللي ما كان عندو هم إلا يمشي بطريقك ويعمل بمشيئتك، برفعلك كل التسبيح يا إلهي الحبيب.

مع حنّة، هالإنسانة اللي عرفت تربّي العدرا تربية بتليق فيك يا ربّ، وتهتمّ فيا بحسب مشيئتك، برفعلك آيات التمجيد.

ومع العدرا، بنت الآب وإم الإبن وعروس الروح القدس برفعلك كل الشكر لأنّك تنازلت وجيت عا هالأرض تا تخلّصنا من الخطية وتوابعا.

يا ربّ السما والأرض، التجارب كتيرة وقوية علينا بهالأيام، فيض روحك القدّوس بقوة تا نقدر نتغلب عا كل حيل الشيطان اللي عم بيدور تا يبعدنا عنك.

وحدك إلهنا ومخلصنا يا ربّ، وإلك وحدك بيليق السجود والإكرام يا سيّدي يسوع المسيح.


/الخوري يوسف بركات/

تعليقات
* لن يتم نشر هذا البريد الإلكتروني على الموقع.