صبحية مع الرب


10 May
10May
إعلان خاص

مع الرسول سمعان الغيور منسبّحك ومنمجّدك يا ربّ يسوع ببداية هالاسبوع المبارك.


من سمعان الرسول اللي نقّيتو انّو يكون معك ويحمل البشارة من بعد القيامة للعالم، مناخد العبرة ومنشوف قديشك قدير يا ربّ تا تختار كل واحد وواحدة منّا لنبشّر بحقيقة قيامتك بحياتنا.


من سمعان الرسول، اللي عاش معك سنين وكان عندو هالغيرة عالبشارة فيك وبفرح القيامة، مناخد العبرة ومنشوف قدّيش نحنا بعاد عن اللهفة والغيرة عالبشارة والاعتراف فيك ملك عا حياتنا.


من سمعان الرسول، اللي كان قريبك بالجسد وجعلتو من الرسل ال١٢، مناخد العبرة ومنشوف قدّيش بتحبّنا تا عطيتنا ذاتك وافتديتنا ودعيتنا تا نوعى عا حقيقة قربك منّا ونعمل الخطوة صوبك تا نقدر نتّحد فيك ونعكسك للعالم اللي منلتقيون.


ومع سمعان الغيور قريبك ورسولك منقلّك يا ربّ انّك انت بدايتنا ونهايتنا، فيك ومعك بتحلى حياتنا.


/الخوري يوسف بركات/

Social media khoddam El rab
تعليقات
* لن يتم نشر هذا البريد الإلكتروني على الموقع.