صبحية مع الرب


08 May
08May
إعلان خاص

بصباح هالنهار المبارك، منسبّحك ومنمجدك يا ربّ مع يوحنا الرسول، التلميذ الحبيب.

من يوحنا الرسول التلميذ اللي حبّك يا ربّ وكنت عارف انّو رح يبقى معك ومرافقك للصليب، بدنا نتعلّم كيف نحبّك وتكون هدفنا بالحياة.

من يوحنا الرسول التلميذ اللي حبّيتو ونقّيتو من بين كل الرسل تا يكون مرافق امّك العدرا مريم ويعتبرا امّو، بدنا ناخد من العدرا مريم امّ وشفيعة لإلنا ونحبّا ونكرّما لأنّها إمّك.

من يوحنّا الرسول التلميذ اللي كان من اول الناس اللي تبعوك وبقيو معك وسمعو كلامك، بدنا نتعلّم كيف نتبعّك ونسمع كلامك ونبقى ثابتين فيك.

من يوحنا الرسول التلميذ اللي تكي عا صدرك وقت العشا السرّي وبكي لمّن قلت انّك رح تتركن بالجسد، نعرف كيف نجي ونسجد قدامك بالقربان المقدّس ونبكي خطايانا ونحطا بين ايديك تا تمحيا وتقدّسنا.

ومتل يوحنا الرسول بدنا نسلمّك حياتنا يا ربّ.


/الخوري يوسف بركات/

Social media khoddam El rab


تعليقات
* لن يتم نشر هذا البريد الإلكتروني على الموقع.