صبحية مع الرب


06 May
06May
إعلان خاص

كان هين الجواب عا سؤالك يا رب عن رأي الناس فيك، بس الأصعب كان لمّن وصل السؤال لرأي الرسل فيك، انت اللي كان بدّك تنقلن من المستوى الأرضي العالمي للمستوى الشخصي معك.

ولمرة جديدة منشوف بطرس عم بيجاوب عن الرسل انّك انت المسيح ابن الله الحي، واكيد هيدا الجواب ما كان من عندو، لا بل من الآب السماوي.


ورغم ضعف بطرس عم نشوفو يا ربّ عم يتجاوب مع هالالهام السماوي، ويوقف موقف المسؤول اللي خلّاك تثبّتو الصخرة اللي عليها رح تبني الكنيسة اللي ما رح تقوى عليها ابواب الجحيم لأنّها عملك يا ربّ.


من اكتر من الفي سنة سألت رسلك عن هويتك بالنسبة إلن، واجا جواب بطرس باسم الرسل، بس نحنا يا ربّ، معقول نقدر نعطيك جواب عا هالسؤال؟ ويمكن ما يكون عنا حتى هالاصغاء الحقيقي. يا ريت منرجع منعد كل شي خسران تا نربحك يا ربّ.


/الخوري يوسف بركات/

Social media khoddam El rab


تعليقات
* لن يتم نشر هذا البريد الإلكتروني على الموقع.