صبحية مع الرب


04 May
04May
إعلان خاص

غريب أمرو لبطرس يا ربّ.
بعد ما حطيتو صخرة للكنيسة، منشوفو بعدو عم يتطلّع تطليعة بشريّة ويفكّر تفكير بشري، وما قدر يتطلع بعين الايمان ولا يعلا بتفكيرو صوبك.

غريب أمرو لبطرس، يا ربّ، كان عليه انّو يتبعك بدل ما يفكّر كيف بدّو يمشّيك عا ذوقو.

بس الأمر الأغرب من هيك، هوّي انت يا ربّ، اللي سكّتت بطرس وطلبت منّو انّو يفكّر بحسب تفكيرك، ما تخلّيت عنّو لا بل ضلّيتك تحبّو متلو متل الكلّ.

يا ربّ، نحنا منآمن انّك من خلال بطرس والرسل بدّك يانا نحيا فيك ونفكر فيك ونعترف بإنّك الاله المخلّص لحياتنا والشافي عاهاتنا واوجاعنا.

يا ربّ، نحنا مآمنين، من خلال بطرس والرسل، انّنا مدعوّين تا نحبّك ونحبّ الآخرين، ونمدّلن ايديك من خلالنا، ونقبل صلباننا بفرح الروح، ونعيش التواضع، ونتمتّع بالشجاعة اللي بتوصّلنا اننا نتّحد فيك، وما نفتّش عن الارباح الارضية لأنّها رح تبقى فاضية


/الخوري يوسف بركات/

Social media khoddam El rab


تعليقات
* لن يتم نشر هذا البريد الإلكتروني على الموقع.