صبحية مع الرب


03 May
03May
إعلان خاص

اللي بيلفتنا بهالصباح، يا ربّ، هوي الرسول أندراوس اللي عاش وإختبر الحياة معك، واللي انسحر بمحبّتك وبحنانك وبتعليمك، منشوفو عم يركض ويخبّر خيّو بطرس بكل شي سمعو وشافو منك وعم بيشاركو هالاختبار الحلو معك انت المسيح المنتظر.

اندراوس الرسول خبّر بطرس بكل شي وجابو لعندك تا يتعرّف عليك، يا ربّ، ويختبر الفرح والسلام اللي اختبرن هوي معك، لهيك لبّى بطرس هالدعوة الحلوة.

واندراوس الرسول بيعلّمنا، اليوم، انّو ما بيكفي اننا نخبّر الآخرين عنّك، يا ربّ، لا بل علينا اننا نساعدن تا يلتقو فيك، ونمهّدلن الطريق تا يتحوّلو هنّي كمان، شوي وشوي، لرسل ومبشّرين.ونحنا مع اندراوس الرسول بدنا نعيش البشارة فيك تا حتى تصير انت كلّ همّنا وهدفنا وحياتنا. ومتل ما سمّيت سمعان بالصخرة اللي بدك تبني عليها كنيستك، يا ربّ، نحنا كمان عم نسعى بحياتنا تا حتى نستحق هالتسمية.


/الخوري يوسف بركات/

Social media khoddam El rab


تعليقات
* لن يتم نشر هذا البريد الإلكتروني على الموقع.