03 May
03May
إعلان خاص

بهالصباح المبارك من شهر العدرا منرفعلك كل التسبيح والتمجيد يا ربّنا يسوع المسيح.

شو هالآبليس الكذاب وبيّ الكذّابين اللي كان دايماً عم يلحق الرسل وبعدو لاحق كل إنسان ماشي معك يا ربّ، وعم بيحاول يبعّدن عنّك وعن الخلاص اللي بتعطيه لكل إنسان قرّر إنّو يكون تلميذك.

وأكبر مثال لإلنا هوي بطرس الرسول اللي إختبر الضعف البشري والتجارب، واللي أكّدلك بإنّو ما بيتركك، منشوفك عم توعدو بإنّك رح تحملو بقلبك وبصلاتك تا ما يوقع ويفقد إيمانو وتا يقدر يكون ثابت فيك ويشدّد الرسل إخوتو.


يا ربّ، نحنا المعرّضين دايماً للتجارب برسالتنا، عم بتنبّهنا من الخطر اللي عم بيواجهنا، ونحنا كلنا ثقة بإنّك رح تكمّل مسيرتك معنا نحنا اللي وعدتنا فيها بالملكوت.

صلاتنا الدايمة هيي إننا نكون حقيقة من المخلَّصين اللي عم يثبتو بمحبّتك، يا ربّ، من خلال محبّتنا للآخرين، وتبقى القيامة مرافقتنا كل حياتنا.


/الخوري يوسف بركات/

Social media khoddam El rab


تعليقات
* لن يتم نشر هذا البريد الإلكتروني على الموقع.